ٹیم میں سلیکٹ نہیں کیا گیا تو کیا خودکو گولی مارلوں، یونس خان

.ٹیسٹ کرکٹر یونس خان کا کہناہے کہ ٹیم میں سلیکٹ نہیں کیا گیا تو کیا اپنے آپ کو گولی مارلوں، میں کسی کے خلاف نہیں، مصباح نے میرے لیے نہیں اپنے لیے فائٹ کی ہوگی۔ ٹیسٹ کرکٹر یونس خان نے پریس کانفرنس کرتے ہوئے مزیدکہا کہ میں اپنے آپ پر ہنس رہا ہوں،کسی بھی نوجوان سے پوچھیں، میں انہیں زیادہ ترغیب دلاتا ہوں یا کوچ،مجھے کہا



گیا کہ میچ کھیلو اور ریٹائر ہوجاؤ، میں تیار ہوں،مصباح نے میرے لیے بات کی ہے یا نہیں،میرے علم میں نہیں ہے،میں نے ہمیشہ پوری ٹیم کے لیے فائٹ کی ہے،میں نےشاہد آفریدی، مصباح الحق اوردیگر کی ٹیم میں شمولیت کی لڑائی لڑی،جب میں کپتان تھا سینئرز کے لیے فائٹ کرتا تھا۔انہوں نے کہا کہ پاکستان کے لیے کھیلنے کو تیار ہوں،میں کسی کے خلاف نہیں ہوں۔